സ്ഥാപകൻ
മുഹമ്മദ് ശെറൂൽ
അറിവ് അഗ്നിയാണ് . അതിന് പ്രായമില്ല . ഒരു പ്രദേശത്തിന്റെ ചരിത്രം , അതിന്റെ പേരുമായി ബന്ധപ്പെട്ടുകിടക്കുന്നു . അതുപോലെ ഒരു സ്ഥാപന ത്തിന്റെ ചരിത്രവും അതിന്റെ പേരുമായി അഭേദ്യബന്ധം പുലർത്തുന്നു . അതാണ് വിജ്ഞാനത്തിന്റെ വെളിച്ചമായി നെല്ലിക്കുന്ന് പ്രദേശവാസികൾക്ക് മുതൽകൂട്ടായ നെല്ലിക്കുന്ന് അൻവാറുൽ ഉലൂം എ.യുപി സ്കൂൾ . പഴയ മദിരാശി സംസ്ഥാനത്തിലെ മംഗലാപുരം ആസ്ഥാനമായ സൗത്ത് കാനറ ജില്ലയിൽ കാസറഗോഡ് താലൂക്കിൽ ശാന്ത സുന്ദരമായ അറബിക്കടലോരം ചേർന്ന് ഒരു കൊച്ചു ഓലമേഞ്ഞ കെട്ടിടത്തിലാണ് സ്കൂൾ ആരംഭിച്ച ത് . മുഹമ്മദ് ശെറൂലും , അഹമ്മദ് ഷംനാടായിരുന്നു സ്കൂളിന്റെ തുടക്ക ത്തിന് കാരണക്കാർ . തൊഴിലാളികളായ മുസ്ലിങ്ങൾ കൂടുതലുള്ള പ്രദേശം , കപ്പലിൽ ജോലിയുളളവർ , ബോംബെയിൽ പണിയെടുക്കുന്നവർ എന്നിങ്ങനെ വളരെ പിന്നോക്കം നിൽക്കുന്ന ജനസമൂഹത്തിൽ വൈദ്യുതി , പത്രം , റേഡിയോ എന്നിവ ലഭ്യമായിരുന്നില്ല . ഖിലാഫത്ത് പ്രസ്ഥാനത്തിലൂടെ ഉയർന്ന ദേശീയാവേശം , അൽ അമീൻ ' തുടങ്ങിയ മാധ്യമങ്ങളും വിദേശ കോളനി മേധാവികളുടെ സംസ്കാരത്തിൽ നിന്നും വിജ്ഞാനത്തിലേക്ക് വഴിനടക്കാൻ ജനങ്ങളെ പ്രേരിപ്പിച്ചു . മൊഗ്രാലിനു കിഴക്ക് അംഗടിമുഗറിൽ ജനിച്ച മുഹമ്മദ് ശെറൂൽ തന്റെ സമ്പത്തും ചിന്തയുമെല്ലാം സ്വാതന്ത്രസമരത്തിനും വിദ്യാഭ്യാസ പുരോഗതിക്കും വേണ്ടി അർപ്പിച്ച വ്യക്തിയായിരുന്നു . കൊടുങ്ങല്ലൂർ ആസ്ഥാനമായി ആരംഭിച്ച കേരള മുസ്ലിം ഐക്യസംഘത്തിന്റെ സജീവ പ്രവർത്തകൻ , 1929 - ൽ എറണാകുളത്തു ചേർന്ന സമസ്ത കേരള മുസ്ലിം യുവജന സമ്മേളന ത്തിന്റെ അധ്യക്ഷൻ , താലൂക്ക് ജില്ലാ ബോർഡുകളിലെ അംഗം എന്നീ നിലകളിൽ സേവനം അനുഷ്ഠിച്ച ശെറൂൽ അഞ്ചാം ക്ലാസ്സ് വിജയിച്ചവരെ സ്വന്തം ചെലവിൽ തുടർപഠനത്തിനയച്ചിരുന്നു . വീട്ടിൽ സ്വന്തമായി ലൈബ്രറി ഉണ്ടാ യിരുന്നു അദ്ദേഹത്തിന് . സ്വന്തം സമുദായത്തിനിടയിൽ വിദ്യാഭ്യാസ പ്രവർത്തനങ്ങൾ നടത്തി ബ്രിട്ടി ഷുകാരിൽ നിന്നും ' ഖാൻ ബഹാദൂർ ' പട്ടം നേടിയ മർഹം മുഹമ്മദ് ഷംനാട് സാഹിബ് 1921 ൽ സെൻട്രൽ അസംബ്ലി മെമ്പറായിരുന്നു . അദ്ദേഹത്തിന്റെ മകനായ അഹമ്മദ് ഷംനാട് ആയിരുന്നു സ്കൂളിന്റെ ആദ്യമാനേജർ . സൗത്ത് കാനറ ജില്ലയിലെ ഫസ്റ്റ് ക്ലാസ്സ് ഓണിറ്റി മജിസ്ട്രേറ്റായ അഹമ്മദ് ഷംനാടിനും മുഹമ്മദ് ശെറൂലിനും ഇംഗ്ലീഷ് വിദ്യാഭ്യാസത്തിന്റെ പേരിൽ സ്വന്തം സമുദായത്തിൽ നിന്നു പോലും പല എതിർപ്പുകളും നേരിടേണ്ടിവന്നി ണ്ട് . എയ്ഡ്സ് സ്കൂളായി 1926 ൽ പ്രവർത്തനമാരംഭിച്ച സ്കൂളിന് 5.10.1938 ലാണ് സൗത്ത് കാനറ DEO യുടെ അംഗീകാരം ലഭിച്ചത് . 1979 UP ഇന്നുണ്ട് സ്കൂളായി അപ്ഗ്രേഡ് ചെയ്യുകയും 1985 ൽ അംഗീകാരം ലഭിക്കുകയും ചെയ്തു . 2000 - ൽ ഇംഗ്ലീഷ് മീഡിയം ഡിവിഷനുകൾ ആരംഭിച്ചു . 2001 - ൽ പ്ലാറ്റിനം ജൂബിലിയും 2016 ൽ ഒരു വർഷം നീണ്ടുനിൽക്കുന്ന നവതി ആഘോഷവും നാടിന്റെ ഉത്സവമായി മാറ്റാൻ സ്കൂളിന് കഴിഞ്ഞിട്ടുണ്ട് . അമ്പതിൽ താഴെ കുട്ടികളും അഞ്ച് അധ്യാപകരും ആയി പ്രവർത്തനമാ രംഭിച്ച സ്കൂളിന്റെ ആദ്യ ഹെഡ്മാസ്റ്റർ കെ.എം ഗോവിന്ദൻ മാസ്റ്ററായിരുന്നു . തുടർന്ന് എം.എ അബ്ദുല്ല മാസ്റ്റർ , കെ . മുഹമ്മദ് കുഞ്ഞിമാസ്റ്റർ . എസ് . ഉദയ കുമാർ ഇപ്പോൾ മുഹമ്മദ് കുട്ടി എ.കെ മാസ്റ്ററുമാണ് . സ്കൂൾ മാനേജരായി മുൻ MLA ബി.എ അബ്ദുൾ റഹ്മാൻ , സി.ടി മൊയ്തീൻ കുഞ്ഞി ഹാജി , എൻ.എ മഹമ്മദ് ഹാജി , കെ . മൊയ്തീൻ കുഞ്ഞി , ബി.എം അഷറഫ് ഇപ്പോൾ എം.എൽ.എ യായ എൻ.എ നെല്ലിക്കുന്നു ആണ് സേവനമനുഷ്ഠിച്ചവർ . കൂടാതെ പൂന മഹദ് , വിന്നർ മഹ്ദ് , എൻഎം മുഹമ്മദ് ഷാഹി , ഖാദർ ബങ്കര , ബിഎം ഹസൈനാർ , കൊപ്പൽ അബ്ദുല്ല , എൻഎം സുബൈർ ഹനീഫ് നെല്ലിക്കുന്ന് എന്നിവർ കമ്മിറ്റി ഭാര വാഹികളായി സ്കൂൾ പ്രവർത്തനങ്ങൾക്ക് എന്നും വഴികാട്ടികളായി പ്രവർത്തിക്കുന്നു . സ്കൂളിൽ നിന്നും അറിവിന്റെ ആദ്യാക്ഷരം കുറിച്ച് പ്രശസ്തിയുടെ പടവു കൾ ചവിട്ടിക്കയറിയ നിരവധി പ്രമുഖർ ലോകത്തിന്റെ നാനാഭാഗത്തും എത്തപ്പെടുകയും സ്കൂളിന്റെ യശസ്സ് ഉയർത്തുകയും ചെയ്തിട്ടുണ്ട് . ബി.കെ മുഹമ്മദ് കുഞ്ഞി മാസ്റ്റർ , ശാസ്ത്രജ്ഞനായ എൻ.എ അബ്ദുല്ല സി.എ ക്കാരനായ ബി.എ മഹമ്മൂദ് , എം.എൽ.എയും മാനേജരുമായ എൻ.എ നെല്ലിക്കുന്ന് എന്നിവരെ എടുത്തു പറയേണ്ടതാണ് . വിദ്യാലയ രൂപീകരണത്തിനുശേഷം 90 വർഷം പിന്നിടുമ്പോൾ വിദ്യാലയം കൈവരിച്ച നേട്ടങ്ങൾ അനവധിയാണ് . നെല്ലിക്കുന്ന് ബങ്കരക്കുന്ന് , കടപ്പുറം , പള്ളം , പ്രദേശങ്ങളിലെ മുഴുവൻ ആൾക്കാർക്കും അക്ഷര വെളിച്ചം പകർന്നു നൽകുവാൻ കഴിഞ്ഞു എന്നത് തന്നെയാണ് വിദ്യാലയത്തിന്റെ ഏറ്റവും വലിയ മേന്മ ദാരിദ്ര്യവും പട്ടിണിയും നിലനിന്നിരുന്ന പ്രദേശം ഇപ്പോൾ സമ്പൽ സമൃദ്ധിയിലാണ് . വിദ്യാഭ്യാസ പുരോഗതി ഒരു സമൂഹത്തിന്റെ വികസ നത്തിൽ വരുത്തിയ നേട്ടങ്ങൾ തന്നെയാണ് ഇവിടത്തെമാറ്റങ്ങൾ . ALPS പള്ളത്തു നിന്നും അൺ എയ്ഡസ് മേഖലയിൽ നിന്നും കുട്ടികൾ തുടർപഠനത്തിനായി ഈ സ്കൂളിനെ ആശ്രയിക്കുന്നു . നെല്ലിക്കുന്ന് പള്ളം , തായിലങ്ങാടി , ചൂരി , ചേരകൈ എന്നീ പ്രദേശങ്ങളിൽ നിന്നുമാണ് കൂടുത ലായി കുട്ടികൾ ഈ സ്കൂളിൽ പ്രവേശനം നേടുന്നത് . വിദ്യാഭ്യാസത്തിന്റെ പ്രാധാന്യം മനസ്സിലാക്കിയ ജനങ്ങളാണ് ഇന്ന് ഈ പ്രദേശത്ത് അതുകൊണ്ടു തന്നെ ആരോഗ്യരംഗത്തും വലിയ പുരോഗതി നേടിയിട്ടുണ്ട് . പക്ഷെ ജനവാസം കൂടുതലായതിനാൽ പരിസരം ശുചിത്വ ത്തിന് വേണ്ടത്ര ശ്രദ്ധ ലഭിക്കാതെ പോകുന്നുണ്ട് . ജാതിഭേദമന്യേ നാട്ടിലെ മുഴുവൻ കുട്ടികളെയും സ്കൂളിലെത്തിക്കാനും വിദ്യാഭ്യാസം നൽകുവാനും കഴിയുന്നുണ്ട് . ഒന്നാം ക്ലാസ്സിലേക്ക് ഏറ്റവും കൂടുതൽ കുട്ടികൾ പ്രവേശനം നേടി സബ്ജില്ലയിൽ അഭിമാനമായ സ്കൂളാണ് നെല്ലിക്കുന്ന് അൽവാറുൽ ഉലൂം എ.യു.പി സ്കൂൾ .
ഇവരെന്നും വഴികാട്ടികൾ....
നെല്ലിക്കുന്ന് ജമാഹത്തിനെ പുരോഗതിയിലേക്ക് നയിച്ച് കാലയവനികയ്ക്കുള്ളിൽ മറഞ്ഞ ജമാഹത്തിന്റെ ഭരണകർത്താക്കൾ
സ്കൂളിന്റെ പുരോഗതിയിൽ കർമ്മനിരതരായിരുന്ന
മുൻ മാനേജർമാർ
ഗുരുശിഷ്യ ബന്ധത്തിന്റെ പരിപാവനത കാത്തു സൂക്ഷിച്ച
മുൻ ഹെഡ്മാസ്റ്റർ മാർ
മുൻ സ്കൂൾ മാനേജ്മെന്റ് കമ്മറ്റി
വിദ്യാലയം ആരംഭിച്ചുകഴിഞ്ഞ് 90 വർഷങ്ങൾ പിന്നിടുമ്പോൾ നമ്മുടെ നേട്ടങ്ങൾ ചെറുതൊന്നുമല്ല . മാറി മാറി വന്ന മാനേജ്മെന്റ് കമ്മിറ്റികൾ സ്കൂളിന്റെ വികസന സ്വപ്നങ്ങൾ പൂവണിയിക്കുന്ന പ്രവർത്തനങ്ങളാണ് കാഴ്ച വെച്ചത് . അതിലേറ്റവും വലിയതാണ് ആധുനിക സൗകര്യത്തോടു കൂടിയ കെട്ടിടങ്ങൾ കൂടാതെ കംമ്പ്യൂട്ടർ ലാബ് , കുടിവെള്ള സൗകര്യം , ടോയ്ലറ്റുകൾ , ഉച്ചഭക്ഷണ വിതരണം , സ്കൂൾ വാൻ സൗകര്യം മുതലായവ കൂടാതെ നാടിന്റെ വികസന പ്രവർത്തനങ്ങൾ നേടിയതൊക്കെ നമ്മുടെ വിദ്യാലയത്തിൽ നിന്നും പഠിച്ചുവന്ന കുട്ടികളുടെ സംഭാവനകൾ തന്നെയാണ് . രാഷ്ട്രീയ രംഗത്തും , സാംസ്കാരിക രംഗത്തും ശാസ്ത്രരംഗ ത്തുമൊക്കെ മികവുതെളിയിച്ച് നിരവധി പ്രതിഭകളെ വാർതെടുക്കാൻ കഴിഞ്ഞത് സ്കൂളിന് അഭിമാനിക്കത്തക്ക നേട്ടമാണ് . എന്നിരുന്നാലും ചില സ്വപ്നങ്ങൾ കൂടി നടപ്പിലാക്കേണ്ടതായുണ്ട് . ഹൈസ്കൂളായി അപ്ഗ്രേഡ് ചെയ്യുക , വിശാലമായ കളിസ്ഥലം , ഡൈനിംഗ്ഹാൾ എന്നിവയും അത്യാവശ്യമാണ് . ഇന്ന് ഇൻഫർമേഷൻ ടെക്നോളജി യുഗമാണ് . ആധുനിക യുഗ ത്തിന്റെ കുതിപ്പിനൊപ്പം നമ്മുടെ കുട്ടികളെയും വളർത്താൻ കംപ്യൂട്ടർ പഠനം അത്യന്താപേക്ഷിതമാണ് . ഇതുവരെയുള്ള പ്രവർത്തനങ്ങൾക്ക് പ്രചോദനമാണ് ഓരോ വർഷവും ഈ സ്കൂളിൽ ചേരുന്ന കുട്ടികളുടെ എണ്ണത്തിലുള്ള വർദ്ധനവ് . പാഠ്യപാഠ്യേതര പ്രവർത്തനങ്ങളിൽ സബ് ജില്ലയിലെ ഏറ്റവും മികച്ച സ്കൂളുകളുടെ പട്ടികയിൽപ്പെടാനാവശ്യമായ മികവ് പ്രവർത്തനങ്ങ ളിൽ , സാഹോദര്യത്തോടും , സ്നേഹത്തോടും കൂടി ഒന്നിച്ചു പ്രവർത്തിക്കു കയാണ് ഞങ്ങളുടെ ലക്ഷ്യ.
No comments:
Post a Comment